Taong dalawang libo't tatlo, ang litratong ito'y nakuhanan sa dorm2 sa seminaryo. nakita ko lang na pakalatkalat ito sa aking web page. natuwa ako nang makita ito kasi di ko akalaing umabot ako ng gano'ong kapayat. (haha) Muntik-muntikan ko na ngang di mamukhaan ang sarili ko. Hindi ko kasi inakalang nagkasya sa'kin yung t-shirt na suot ko sa litrato. Nung isang araw kasi, sinubukan ko i'yon at ulo palang, ayaw nang lumusot! haha. ako nga pala yung naka-itim na t-shirt. kahit yung mga kasama ko, di ko na ga'nong namukhaan. (si Gian pala yung nasa likod!) Lumipas na talaga ang panahon. haha.
Taong dalawang libo't apat nang makunan ang litratong ito. Isang taon lang ang lumipas at tila tumanda ako ng dalawang taon! at ang mga kasama ko, tila nagsi-itiman! haha. ngunit isa lang sa kanila yung kasama ko doon sa naunang litrato. Ako nga pala yung naka-puti na medyo nakatayo. Sayang nga lang dahil hindi ganoon kaganda ang pagkaka-scan sa mga litrato.
Ilang taon pa kaya ang lilipas?
No comments:
Post a Comment