Magkasama kami kanina. Tumitig ako sa bandang likod niya, tumingin siya sakin. Akala niya siguro siya yung tinitignan ko. Sabagay, pwede na rin. Kinindatan ko siya, nginitian niya ako. Parang high school lang(bagamat wala akong ganitong karanasan noong high school) Isang eksenang sapak sa kalandian. Ngunit akala mo lang ay nangyari ito. Ang totoo niya'y guniguni mo lang ang lahat.
Guniguni mo lang yung nakita mong babaeng nakikipag harutan sa kapwa niya babae. Hindi lahat ng gusto mong makita ay nakikita mo. Guniguni mo lang na nakapulot ka ng pera. Hindi lahat ng gusto mong mangyari ay nangyayari. Guniguni mo lang na nakita mo si Bayani Fernando at narinig mo siyang nagsabing magkita-kita daw kayo sa 2010. Pero hindi, totoo pala na balak kumandidato ni BF sa 2010. Yun lang, di siya makikipag-kita-kita sa'yo.
Pinag-usapan namin ang tungkol sa isang boring na topic kanina na kung ikukuwento ko dito'y malamang na isumpa mo yung blog ko kaya wag nalang. Muntik na nga akong nakatulog noong nagkukuwento siya ngunit pinilit kong gumising dahil nkita ko ang tumutubong ecosystem sa likod ng isang asong kalyeng pilit nagpapaawa upang mabigyan ng pagkain. Lumakad kami ng kaunti. Ngunit teka, hindi pala nangyari 'yon. Guniguni mo lang ang lahat mula sa iyon pagsilang hanggang sa iyong pag-abot sa iyong kinalalagyan ngayon. Malas mo.
No comments:
Post a Comment