Mario sa Makiling

Narito ang ilan sa mga bagay na hindi ko malilimutan sa aming camping.

Mario: yan ang binansag sa’kin ng mga kaklase ko sa Mil. Sci. Integ. dahil sa aking pulang sombrero na suot nung kami’y nagte-trekking sa Mt. Makiling. Medyo pabibo ako nun kaya napagdiskitahan ako ni Ariane at sinabing ako daw si Mario ng Mario bros. Mangyari din kasi na ang buddy ko sa trekking na si Carlo ay nakagreen, medyo payat at medyo matangkad sa akin. So parang Mario Bros. daw kami. Si Ariane ang group leader namin. M.E. major. Isang bully na babae na umubos ng mansanas ko. Siya ang nakasira nung emergency lamp ko. Dito nakuha ang quote na “some things are meant to be broken” Siya rin ang cook ng grupo. Si Carlo naman ay isang frat man na Socio major. Kasama ni Ted, kami ang mga nagga-gaguhan sa trekking. Napauso naming ang “mag-ingat sa tinik” sa trail. Hindi ko alam kung pa’no nagsimula yun at kung literal lang ang ibig sabihin nun basta habang nagte-trek, wala kaming tigil sa pagsabi nung mga katagang iyon sa aming mga kasama. Si Ted naman ay kapwa ko C.E. Major. Siya ang negosyante sa grupo. Nagpapa-load kasi siya kaya iyon. Nili-link siya kay Krisel dahil madalas niya siyang samahan. Si Krisel ang photographer ng grupo. Siya lang kasi ang nagdala ng camera. Hindi na niya natapos ang camp dahil kinailangan niyang makabalik ka’gad ng U.P. para mag-exam. Kaibigan niya si Sharlene. Si Sharlene ang assistant ni Ariane. Sa pagha-handa ng pagkain, siya at si Emerald madalas ang tumutulong kay Ariane. Sila rin ang tagasaing. Si Emerald naman ay Pol. Sci. major na katulong din ni Ariane sa pagluluto. Binansagan siyang asexual nila Gelo at Ariane dahil ayaw nitong mag-share sa kanyang love life. Si Gelo naman na Math Major ang entertainer ng grupo. Siya ang nagdala ng cards na nagagamit ng grupo tuwing turtle time na idle time na nag-ugat sa lack of punctuality ng mga organizers. Siya ang nagpasimula ng kung anu-anong kalokohan at pagkapasaway sa trekking na kanyang tinawag na Gelo in the Jungle. Siya ang buddy ni Law. Si Law ang pinakatahimik sa mga lalaki. Napagalaman namin dahil kay John ang mga sikreto ng kanyang tickler(tama ba spelling?) kung saan sumusulat siya ng mga tula at kung anu-ano. Siya ang sumiko kay John ng aksidenteng mabasa niya ang nasabing tickler. Dito nagugat ang quote na “life is a tickler” Si John na Psychology Major ang nagpasimuno ng madramang kuwentuhan nung ikalawang gabi ng camp. Siya ang pumiga ng mga kuwento ukol sa buhay buhay ng miyembro ng grupo.

Ito ang group Integ; masaya, pasaway, at matatag!